පසුගිය අගෝස්තු මාසයේ දිවයිනට පැමිණි සංචාරකයින්ගේ සංඛ්‍යාව එක්ලක්ෂ 90,928 දක්වා සියයට 2.5කින් වර්ධනය වී තිබෙනවා.
කෙසේ නමුත්, එහිදී ප්‍රධාන සංචාරක වෙළඳපොළ වන චීනය, ජර්මනිය සහ ප්‍රංශය වැනි රටවලින් සංචාරකයන් පැමිණීමේ අඩුවීමක් දක්නට ලැබෙන බවයි සංචාරක සංවර්ධන අධිකාරියේ වාර්තා පෙන්වා දෙන්නේ.
අගෝස්තු මාසය තුළ ඉන්දියාවෙන් පැමිණි සංචාරකයන්ගේ සංඛ්‍යාව සියයට 27.9කින් ඉහළ යාම විශේෂත්වයක්.
වසරේ පළමු මාස 8 සැලකූ විට දිවයිනට පැමිණි සංචාරකයන්ගේ සංඛ්‍යාව මිලියන 1.4 දක්වා සියයට 3.5කින් වර්ධනය වී තිබෙනවා.
2010 වසරේ සිට මෙරටට සංචාරකයන් පැමිණීමේ වර්ධනයක් අඛණ්ඩව දක්නට ලැබෙන බවයි සංචාරක සංවර්ධන අධිකාරිය සඳහන් කළේ. (හිරු)
Share this
|
|
|
0 Comment to "යුරෝපා සංචාරකයන් පැමිණීමේ අඩුවක් "
Post a Comment