පසුගිය කාලයේ ශ්‍රී ලංකා ක්‍රිකට් තේරීම් කමිටුව ගත් ඇතැම් තීරණ දැඩි ලෙස විවේචනයට ලක්වූ පසුබිමක සනත් ජයසුරියගේ නායකත්වයෙන් යුතු පැරණි තේරීම් කමිටුව ඉල්ලා අස්වීමත් සමඟ පත්වුණේ ග්‍රැහැම් ලැබ්රෝයිගේ සභාපතිත්වයෙන් යුතු තේරීම් කමිටුවකි.අලුත් තේරීම් කමිටුවද පරණ තේරීම් කමිටුව සිදුකල වරද ඒ ආකාරයටම ඉදිරියට ගෙන ගොස් ඇති බව ඉන්දියාවේ ක්‍රීඩා වෙබ් අඩවියක් වන ක්‍රිකට් ඒජ් පලකල වාර්තාවක දැක්වේ.ඔවුන් මෙලෙස කරුණු දක්වන්නේ පාකිස්ථානය සමඟින් වන ටේස්ට් තරඟ දෙක වෙනුවෙන් නම් කල සංචිතය සම්බන්දයෙනි.
සනත් ඇතුළු තේරීම් කමිටුව කල ආකාරයට පුදුම සහගත තේරීම් සමඟින් යම් ධනාත්මක තේරීමද අලුත් තේරීම් කමිටුව සිදු කර ඇති බව මෙම ඉන්දීය වෙබ් අඩවිය සදහන් කර ඇත.
ශ්‍රී ලංකා පළමුපෙළ තරඟාවලියේ වැඩිම ලකුණු ලාබියාමෙන්ම දේශීය පිටියේ වඩාත් සාර්ථකම පිතිකරුවා ලෙසින් පසුගිය කාලයේ දක්ෂතා දැක්වූ සධීර සමරවික්‍රම සහ මහේල,තිලාන් වැනි මැදපෙළ පිතිකරුවෙකු සොයමින් යන ශ්‍රී ලංකා කණ්ඩායමට දේශීය පිටියේ සිටින වඩාත් ස්තාවරම මැදපෙළ පිතිකරුවා වන රොෂේන් සිල්වා කැඳවීම අලුත් තේරීම් කමිටුවේ හොඳ තීරණයක් බව මෙම වෙබ් අඩවිය දක්වා ඇත.
සධීර වඩාත් හොඳින් ලකුණු අතර සිටින අවස්ථාවේ බංගලාදේශය ශ්‍රී ලංකාවේ ක්‍රීඩා කල අවස්ථාවේ ඔහු කණ්ඩායමට කැඳවීමට පැරණි තේරීම් කමිටුව තීරණය නොකිරීමද සනත් ඇතුළු පැරණි තේරීම් කමිටුවේ වැරදි තීරණයක් ලෙස දක්වා ඇත.
පසුගිය ඉන්දීය කණ්ඩායම සමඟ එක්දින තරඟාවලියට කැඳවීම සමඟ යම් සාර්ථකත්වයක් පෙන්වූ ලහිරු තිරිමාන්න මාස 15 කට පසුව ඔහු වඩාත් අසාර්ථක ටෙස්ට් ක්‍රිකට් පිටියට උපනායකත්වයේ වගකීමද පවරමින් කැඳවීම අලුත් තේරීම් කමිටුවේ පුදුම සහගත තීරණයක් බව ක්‍රිකට් ඒජ් වාර්තාවේ හෙළි කර ඇත.
දඟ පන්දු යවන්නන් හමුවේ ලෝකයේ වඩාත් සාර්ථකම කණ්ඩායම වන ඉන්දීය කණ්ඩායම හමුවේ තම මංගල තරඟයේ දක්ෂතා දැක්වීමට නොහැකි වුවද දෙවන තරඟයේ ඉන්දීය පිතිකරුවන්ට පීඩනයක් එල්ල කරමින් ඉන්දීය කඩුලු 3ක් දවාගත් මාලින්ද පුෂ්පකුමාර සංචිතයෙන්ද ඉවත්කර දැමීමත්,ස්ථාවර ස්ථානයක් නොමැතිවීමෙන් කණ්ඩායමෙන් හැලීගිය ධනංජය සිල්වාගේ හැකියාවන් කෙරෙහි අවධානය යොමු නොකිරීමත් අලුත් තේරීම් කමිටුවේ තවත් අඩුපාඩුවක් බව මෙම වෙබ් අඩවිය පෙන්වා දී ඇත.
සුරංග ලක්මාල් සහ නුවන් ප්‍රදීප් ප්‍රධාන වේගපන්දු යවන්නන් ලෙස සංචිතයේ සිටියදී වේගය භාවිතා කරමින් පිතිකරුවන් මෙල්ල කල හැකි ලහිරු කුමාර සහ දුෂ්මන්ත චමීර දෙදෙනාගෙන් එක අයෙකු හෝ සංචිතයට එකතුවිය යුතු බවද මෙම වාර්තාවේ දක්වා ඇත.
කෙසේ වෙතත් මෙම කරුණු වල ඇති සාධාරණ අසාධාරණ බව තරඟාවලියේ ප්‍රතිපලය සමඟ විසදෙනු ඇත.මෙම ඉන්දීය වෙබ් අඩවිය හෙළිකරන කරුණු වලට ඔබ එකඟ වන්නේද නොවන්නේද යන්නත් ඔබේ පිළිතුරට හේතුවත් දැක්වීමට ඔබට හැක.
තරඟාවලියේ සියළු තොරතුරු දැනුවත් වීමට ඉහල ඇති like button 1ක click කර අප සමඟ එකතු වන්න.
ශ්‍රී ලංකා සංචිතය.
# දිනේෂ් චන්දිමාල් - නායක
# ලහිරු තිරිමාන්න - උපනායක
# දිමුත් කරුණාරත්න
# කෞෂාල් සිල්වා
# කුසල් මෙන්ඩිස්
# සදීර සමරවික්‍රම
# රොෂේන් සිල්වා
# නිරෝෂන් දික්වැල්ල
# රංගන හේරත්
# ලක්ෂාන් සඳකන්
# ඩිල්රුවන් පෙරේරා
# සුරංග ලක්මාල්
# නුවන් ප්‍රදීප්
# විෂ්ව ප්‍රනාන්දු
# ලහිරු ගමගේ
(ක්‍රිකට්ලංකා)
Share this
|
|
|
0 Comment to "“අලුත් තේරීම් කමිටුවත් පරණ වරදම කරලා..”-ඉන්දීය මාද්‍යයක් කරණ හෙළිදරව්ව.."
Post a Comment