සුප්‍රකට පුද්ගලයන් බැබළෙන්නේ අසාමාන්‍ය දස්කම් නිසාය. අසාමාන්‍ය වන්නේ ඔවුන්ගේ දස්කම් පමණද? මොවුන්ගේ ජීවිතවලට එබී බැලුවොත් ඔවුන්ගේ ජීවන චර්යාවන්ද අසාමාන්‍ය බව සිතෙනු ඇත.
පේටන්ට් තුන්සියයකට පමණ හිමිකම් කියන, නූතන වායු සමීකරණ විදුලි සැපයුම් පද්ධතියේ (ඒසී) නිර්මාතෘ, නිකොලා තෙල්සා වයස අවුරුදු අසූ හයක් වන තුරු ජීවත් වූ අයෙකි. තනිකඩයකු වූ ඔහු පෙම් බැන්දේ පරවි ධේනුවකටය. නිකොලා සෑම රාත්‍රියකම එක පාදයක ඇඟිලි සිය වරක් බැගින් මිරිකීමට පුරුදු වී සිටියේය. දිනක් ලේඛකයෙක් මේ ගැන විමසූ විටය ඔහු කියා ඇත්තේ එසේ කිරීමෙන් ඔහුගේ මොළයේ සෛල උත්තේජනය වන බවය. නිකොලාගේ නින්ද දිනකට පැය දෙකකට සීමා විය.
ඔහු දිනකට කි.මී. 13 – 16 ක් ඇවිද්ද අතර උදෑසන 9.00 සිට සවස 6.00 වන තුරු එක දිගට වැඩ කළේය. පස්වරු 8.10ට හරියටම රාත්‍රී ආහාරය ගත්තේය. විසිවැනි සියවසේ වඩාත් නිර්මාණශීලි ගණිතඥයා ලෙස සැලකෙන පෝල් එර්ඩෝස් විවිධ වර්ගයේ උත්තේජකවලට දැක්වූයේ පුදුම කැමැත්තකි. ඔහු අවධානය අඩු අයට ප්‍රතිකාර වශයෙන් ලබා දෙන ඇමිෆෙටමින් පැය 20ක් පුරාම දහනය කර තිබෙන්නේ ගණන් සෑදීමට උත්තේජකයක් ලබා ගැනීමටය.
ලෝකයේ විද්‍යාඥයන් සතුව සිතාගත නොහැකි අපූරු පුරුදු ගණනාවක් තිබී ඇත. බෙන්ජමින් ෆ්‍රැන්ක්ලීන් නිරුවතින් හිරු එළිය ස්නානය කිරීමට පුරුදු වී සිටි අයෙකි.
නින්ද ගතේ වගේම සිතේ සෞඛ්‍යයටද හිතකර බව අප අසා ඇත. මහා විද්‍යාඥ ඇල්බට් අයින්ස්ටයින් දිනකට අඩුවශයෙන් පැය දහයක්වත් නිදා ගත්තේය. එහෙත් අද අමෙරිකානුවකු නිදා ගන්නේ පැය 6ක් තරම් කෙටිකාලයකි. ඩාවින්සි පැය 8ක් නිදාගෙන තිබේ. කෙටි නින්දවල්වලින්ද ඔවුන්ට අඩුවක් තිබී නැත.
අයින්ස්ටයින්ගේ නින්ද පැය දහයකට සීමා නොවීය. ඔහු දිවා කාලයේ කෙටි නින්දකටද රුසියකු විය. ආහාර ගන්නා ඇතැම් විට ඔහු නින්දෙන් අවදිවන්නේ කෑම පිඟාන මතට හැන්ද හෝ ගෑරුප්පුව වැටුණු විටය. මේ අනුව විසිවැනි සියවසේ කුම්භකර්ණයකු ලෙස ඔහු හැඳින්වීමේ කිසිඳු වරදක් නැත.
ඇවිදීම අයින්ස්ටයින් පූජනීය ලෙස සැලකූ පුරුද්දකි. ඇවිදීමේදී කඳු නැඟීමේදී මතකය වැඩි දියුණුවන බවට ඔහු විශ්වාස කළේය. ඩාවින්ද ඔහු මෙන්ම ඇවිදීමට උනන්දුවක් දැක්වූ අයෙකි. ඩාවින් දිනපතා මිනිත්තු 45ක් ඇවිද තිබේ. අයින්ස්ටයින් දිනකට සැතපුම් 1 1 /2ක දුරක ඇවිද්දේය. ඇවිදීම මතක ශක්තිය දියුණු කරන, ගැටලු විසඳීමේ ශක්තිය, නිර්මාණශීලිත්වය අවදිකරන බවට ඩාවින් හා අයින්ස්ටයින්ට වැඩි නිදසුක් තිබෙනවාද?
අයින්ස්ටයින් මේස් පැළඳීමට දැක්වූයේ දැඩි අකැමැත්තකි. ඊට හේතුව නිරන්තරයෙන්ම මේස්වල මාපට ඇඟිල්ලේ සිදුරු සෑදීමයි. මේස් නැතිව පාවහන් පැලඳූ ඔහු අවසානයේදී පැලඳ තිබෙන්නේ දෙවැනි බිරිය එල්සාගේ පාවහන්ය. අයින්ස්ටයින් කාන්තා ලෝලියකු ලෙසද ප්‍රකටය.
ඩේවිඩ් බෙකම්, පාපන්දු ලොවේ වීරයාට සෑම දෙයක්ම රේඛීයව, කෙළින් තිබිය යුතුය. සෑම දෙයක්ම යුගල ලෙසින් තිබෙනවාටද ඔහු කැමැත්තක් දැක්වීය.
අමෙරිකාවේ නළු ගායක එමිනම්ට නිදාගත හැක්කේ සම්පූර්ණයෙන්ම ජනෙල් ආවරණය කරන ලද අඳුරු කාමරයක ය. නිළි කැතරින් සීටා දත් මදින්නේ ස්ට්‍රෝබෙරිවලින් තලා සාදාගන්නා දන්තාලේපයකිනි. කේට් පෙරි ගමන් මල්ලේ දත් බුරුසු විස්සක් රැගෙන යන්නීය. දිනකට හයවරක් දත්මැදීමට අමතක නොකළාය.
අමෙරිකාවේ පුංචි තිරයේ වීරයා, සිමන් කොවෙල් දිනපතා ගසක් නැඟීම, මුහුණ සේදීම මෙන්ම පුරුද්දට කරන්නකි.
ජෙනිෆර් ඇනිස්ටන් ගුවන් ගමනට ඉතා බිය ය. එනිසා ඇය ගුවන්යානයකට ගොඩ වෙන්නේ දකුණු පය පෙරට තබාය. ගුවන් යානයේ එක් පැත්තක් අල්ලා ගැනීමට ද ඇය වගබලා ගන්නීය.
රුධිර සංසරණය සහ හෘද ක්‍රියාකාරීත්වය සොයාගත් ශ්‍රීමත් විලියම් හාවේ අඳුරේ සිටීමට කැමැතිය. ග්‍රීෂ්ම සෘතුවේදී ඔහු පොළොවේ අඳුරු ගුහා සාදා සිත එකඟ කර ගැනීමට පෙළඹී තිබේ.
අමෙරිකාව නිර්මාණය කිරීමට පු‍රෝගාමී වූ බෙන්ජමින් ෆ්‍රැන්ක්ලින් සෑම දිනකම උදෑසන උපන් ඇඳුමින් ජනේලය ඉදිරිපිට සිටගෙන නැවුම් වාතයෙන් සිරුර නාවා ගත්තේය. නැවුම් වාතය සමඟ ඔහුගේ සියලු රෝග ගසා ගෙන යන බවට ඔහු විශ්වාස කළේය.
ඇපල් සමාගමේ සම නිර්මාතෘ ස්ටීව් ජොබ්ස් ආහාර පාන ගත්තේ තෝරා බේරා ගෙනය. ඇපල් ගෙඩිය, කැරට් අලවලට පමණක් ඔහුගේ ආහාර සීමාවී තිබිණි. ස්ටීව් ජොබ්ස් තම ආහාර රටාව නිසා දහදිය දුගඳක් ඇති නොවන බව විශ්වාස කළ අතර දහදිය දුගඳ නැති කිරීමට ඩියොඩ්රන්ට් දැමුවේ නැත. දිනපතා ස්නානය කළේද නැත.
නිර්මාංශ ආහාර රටාවේ පියා ලෙස සලකන පයිතගරස් බෝංචි හා ඇටවර්ගවලට දැක්වූයේ දැඩි අකමැත්තකි. ඔහු තම ගෝල බාලයන්ටද එම ආහාර කෑමට පමණක් නොව ඇල්ලීමටද තහනම් කළේය.
සංගීතඥ බීතෝවන් නිතරම ජලයෙන් නැවී සිටීමට කැමැත්තක් දැක්වීය.
රසිකයන්ගේ නොමඳ ආදරය දිනාගත් බ්‍රැඩ් පිට් සති ගාණක් ස්නානය නොකිරීමට සමතෙකි. සබන් සිරුරට විස බව සිතන ඔහු සම පිරිසිදු කරගන්නේ ළදරුවන් පිස දමන තුවාවලිනි.
බොලිවුඩයේ ජනප්‍රිය තරුවක් වූ ශාහිඩ් කපූර්ට දිනකට කෝපි කෝප්ප 8 – 10ක් නැතිවම බැරිය. ඉන්දියානු ක්‍රිකට් ක්‍රීඩක විරේන්ද්‍ර ශෙවාග් ආතතියට පත්වූ විට නියපොතු සපයි. සූරූපී තාරකා මෙගන් ෆොක්ස් සතුව ගඳ ගසන පුරුද්දක් තිබේ. ඇය වැසිකිළි ගිය පසු ෆ්ලෂ් කරන්නේ නැත. මේ නිසා ඇයගේ මිතුරියෝ මෙගන් දුටු විට නාසය වසා අප්‍රසාදය පළ කරති.
නිළි ජෙසිකා සිම්ප්සන්ට දිනපතා දත් මැදීමේ පුරුද්දක් නැත. සතියටම ඇය දත් මදින්නේ තෙවරකි. අනෙක් දිනවලට රෙදි කැබැල්ලකින් දත් පිරිමදියි. නව පරපුරේ නළු රොබට් පැටින්සන් සති හයකටවත් හිසකේ නොසෝදයි. හැත්තෑව දශකයේ බොලිවුඩය රජකළ ජිතේන්ද්‍ර වැසිකිළි යන්නේ ගස්ලබු ගෙඩියක් සමඟිනි. ගස්ලබු කමින් වැසිකිළියේ අසුන් නොගත්තොත් ඔහුට ශරීරකෘත්‍ය ඉටුකළ නොහැකිය. සුපිරි තරුව ශාරුක් ඛාන් පාවහන් ගලවන්නේ නින්දට යන විට පමණි.
ජෝන් ඒබ්‍රහම්ට සැම විටම දෙපා සොලවමින් සිටිය යුතුය.
අන්තර්ජාලයෙනි (dinamina)
Share this
|
|
|
0 Comment to "සුප්‍රකට අයගේ අප්‍රකට පුරුදු"
Post a Comment