පසුගිය කාලයේ හොලිවුඩයේ සිදුවූ මංකොල්ලකෑමක් පිළිබඳව බොහෝ ලෙස කතාබහට ලක්විය.
ඒ ලෝක ප්‍රකට නිරූපිකාවක වන කිම් කාර්ඩෂියන්ගේ පැරීසියේ පිහිටි නිවසෙහි සිදුවූ දැවැන්ත මංකොල්ලයයි.
විදෙස් මාධ්‍යයේ වාර්තා වූ ආකාරයට එදා කිම්ගේ නිවසින් ඩොලර් මිලියන 11ක් වටිනා ස්වර්ණාභරණ සහ තවත් වටිනාකමින් යුතු බඩු බාහිරාදිය අතුරුදන් වී තිබේ.
පසුගිය සතියේ ප්‍රංශ පොලීසිය මෙම මංකොල්ලයට සම්බන්ධ යැයි සැක කෙරෙන පුද්ගලයන් 17 දෙනකු අත්අඩංගුවට ගත් බවට විදෙස් මාධ්‍ය වාර්තා කරයි.
එරට පොලිස් නිලධාරීන් පවසන්නේ අවුරුදු 23ත් 72ත් අතර වයස් කාණ්ඩවල පසුවන මෙම සැකකරුවන් අත්අඩංගුවට ගනු ලැබුවේ පැරිස් නුවර විවිධ ස්ථානවලදී උදෑසන 6ට පමණ බවයි.
සැකකරුවන්ගේ අනන්‍යතාව මීට වඩා හෙළි කිරීම අපහසු බවද ඔවුහු පැවසූහ. ඉදිරියේදී මෙම සැකකරුවන්ගෙන් ප්‍රශ්න කිරීමට සූදානම් වන බවත් සඳහන් වේ.
_ඒශියන්මිරර්
Share this
|
|
|
0 Comment to "කිම්ගේ මංකොල්ලයට සැකපිට 17ක් අත්අඩංගුවට"
Post a Comment