එම ඡයාරූප වල දැක්වෙන අන්දමට අවට තේ වගා කළ ඉඩමක හෙලිකොප්ටරයක් නවත්වා ඇති අතර යම් පිරිසක් එතැන සාකච්ඡාවක නිරත වෙමින් සිටින අයුරු දැකගන්නට තිබෙනවා.
දැනගන්නට ලැබෙන පරිදි මෙම ප්‍රදේශය ශ්‍රී පාදය පාමුල පිහිටා ඇති ‘මරේ වත්ත‘ නමින් හැඳින්වෙන ප්‍රදේශයයි.
මෙය නල්ලතන්නි පොලිස් වසමට අයත් ප්‍රදේශයකි.
හෙලිකොප්ටර් යානයකින් මෙම පිරිස ගොඩබැස සිටින මෙම ඉඩම හිටපු ප්‍රබල අමාත්‍යවරයෙකුට අයත්ව තිබූ බව පැවසෙනවා.
අනතුරුව ඔහු අරාබි ව්‍යාපාරිකයින් පිරිසකට මෙම ඉඩම විකුණා ඇති බවයි වාර්තාවන්නේ.
අදාළ ප්‍රබල අමාත්‍යවරයා මෙම ඉඩම මිලට ගෙන තිබුණේ දැවැන්ත සංචාරක හෝටලයක් ඉදිකිරීමේ අටියෙන් බවත්,මේ වන මෙම ඉඩම මිලට ගත් අරාබි ව්‍යාපාරිකයින් පිරිස මෙහි සංචාරක හෝටලයක් සෑදිමේ පිඹුරුපත් සකසමින් සිටින බවට සඳහන් වෙයි.
මෙම ව්‍යාපාරිකයන් පිරිස මෙහි පැමැණි පළමු වතාව මෙය නොවන බවත් කිහිප වතාවක් පැමිණ තිබෙන බවත් සඳහන්.
කෙසේ වෙතත් මවුසාකැලේ ජල පෝෂක කලාපය විනාශ කරමින් තැනෙන මෙම සංචාරක හෝටලයට එකළ සිටම ප්‍රදේශවාසීන් විරෝධය පලකර තිබෙන බවත්,ඊට විරෝධය පළකරමින් නල්ලතන්නි පොලීසියට පැමිණිලි විශාල ප්‍රමාණයක් ලැබී තිබෙන බවත් වාර්තා වනවා.
_නෙත්ගොසිප්
Share this
|
|
|
0 Comment to "ශ්‍රී පාදයට ආ හෙලිකොප්ටරයේ ඇත්ත නැත්ත මෙන්න"
Post a Comment