වයස අවුරුදු 14ක බාලවයස්කාර දැරියකට ලිංගික අපයෝජනයක් සිදු කිරීම සම්බන්ධයෙන් ඇයගේ පෙම්වතා බව කියන වයස අවුරුදු පහළොවක් වූ සිසුවෙක් තලාතුඔය පොලීසිය මගින් අත්අඩංගුවට ගනු ලැබීය.
ඉකුත් 20 වැනි දින නගරයේ පෞද්ගලික පංතියකට පැමිණ ඇති ඇය පංතිය නිමවීමෙන් පසු පෙම්වතා හමුවට ගොස් ඇත. ඔහුද පෞද්ගලික පංතියකට සහභාගි වී පැමිණ ඇති අතර තමන් දෙදෙනාම ඉගෙනුම ලබන පාසල වෙත ගොස් තිබේ.
එසේ කතාකරමින් සිටියදී රෑ බෝවී ඇති අතර දෙදෙනාම පාසල් ගොඩනැගිල්ල තුළ රැය පහන් කර තිබේ.
පසුදා අලුයම 3.45ට පමණ මොවුන් දෙදෙනා වික්ටෝරියා ජලාශය නැරඹීමට යාම සදහා පටත්ව තිබේ.
මයිලපිටිය ප‍්‍රදේශයේ තම දියණිය තරුණයකු සමග සිටිනු දැක ඇති ඇයගේ පියා බසයෙන් බැසවිත් දියණිය හා තරුණයා කැටිව පොලීසියට පැමිණ තිබේ.
තලාතුඔය පොලීසිය මගින් මොවුන් දෙදෙනා අධිකරණයට ඉදිරිපත් කිරීමෙන් අනතුරුව ඉකුත් 21 වෙනි දින මහනුවර අතිරේක මහේස්ත‍්‍රාත් රෝහිණී ගමගේ මහත්මිය විසින් සැකකරුට රුපියල් ලක්ෂ පහක ශරීර ඇප දෙකක් නියමකර මවුපියන් වෙත ඔහු මුදාහැර ඇති අතර බාලවයස්කාර දැරිය වෛද්‍ය පරීක්ෂණයක් සදහා යොමු කර තිබේ.
තලාතුඔය පොලිස් ස්ථානාධිපති ප‍්‍රධාන පොලිස් පරීක්ෂක අමරජිත් රත්නායක මහතාගේ උපදෙස් මත වැඩිදුර පරීක්ෂණ මෙහෙයවයි.
Share this
|
|
|
0 Comment to "සිය පාසලේම රෑ එළිවෙනකම් ලිංගිකව හැසිරුනු 15වේ පෙම්වතා සහ 14රේ පෙම්වතිය"
Post a Comment