ඊයේ මධ්‍යමරාත්‍රී 12 පමණ කැලණි විහාරයේ චෛත්‍ය රාජයානන් අභියස සුදුපැහැති ඇදුමකින් සැරසී පිරිත් පැන් බෙඳමින් තමන් බුදු වූ පුද්ගලයෙකු බව ප්‍රකාශ කරමින් ගොස් අලුයම් කාලයේදී එක්වරම අතුරුදහන්වූ පුද්ගලයෙකු පිළිබඳව තොරතුරු අප වෙත වාර්තා වී තිබේ.
ඔහු විසින් පිරිත් පැන් ලබාදීමේදී ඒ මොහොතේ කැළණි විහාරය වන්දනාමාන කිරීමට පැමිණ සිටි බොහෝ දෙනෙකු ඔහුටද වැඳ නමස්කාරකර තිබේ.
එම අවස්ථාවට ඔහුගේ අග්‍රශ්‍රාවිකාව යැයි පැවසෙන තරුණ කාන්තවක්ද නිල ජායාරූප ශිල්පියෙකුද ඇතුලු අනුගාමිකයින් 20 – 30 පමණ පැමිණ තිබේ.
ඊයේ රාත්‍රියේ කැළණියට වැසි සහිත කාලගුණයක් පැවති අතර එසේ වැසි වැස්සවූයේ තමන් බවද, තමන්ට වැඳ නමස්කාර කරන සියලු දෙනාම බුදු වන බවටද ඔහු රැස්ව සිටි සැදැහැවත් බෞද්ධ ජනතාවට ප්‍රකාශ කර තිබේ.
අවසානයේ ඔහු ටොයොටා ප්‍රීයස් වර්ගයේ මෝටර් රථයක නැගී දෙව්ලොව බලා පිටත්ව ගොස් තිබේ.
කලින් කලට ලංකාවේ මෙවන් බුදු වූවායැයි, රහත් වූවායැයි පවසමින් විවිධ වංචාකාරී චරිත පහළ වන අතර පසුව මහජනතාව රවටා ඔවුන්ගේ මුදල් සහ දේපළ සොරකම්කරමින් නික්ම යයි. බුදුදහම අනිසි ලෙස භාවිතා කරමින් බුදුරජානන්වහන්සේට අපහාස කරන මෙවන් පුද්ගලයින්ගෙන් ජනතාව ප්‍රවේශම් විය යුතුය.
එම අවස්ථාවේ එහි සිටි පුද්ගලයෙකු ගනු ලැබූ ජායාරූප කිහිපයක් සහ වීඩියෝවක් ඔහු සිය ෆේස්බුක් ගිණුමේ පළ කර තිබේ.
එය ඔබට පහතින් නැරඹිය හැක.
Share this
|
|
|
0 Comment to "වෙසක් පොහොය දිනයේම – සමන්තබද්‍ර පරදන – අලුත් බුදු කෙනෙක් – කැළණියෙන් පහළ වේ! (Photo/Video)"
Post a Comment