පසුගිය වසර තුල කැකිරාව පොලිස් වසම තුල තරුණියන් 18 දෙනෙකු පේ‍්‍රම සම්බන්ධතා හේතුවෙන් අපයෝජනයට ලක් වූ බව වාර්තා වෙනවා. මෙහෙම කියන්නේ කැකිරිවේ පොලිස් ස්ථානාධිපති ජගත් පුෂ්ප කුමාර කැකිරාව බස්තියන් සිල්වා විද්‍යාලයේ සිසු සිසුවියන් දැනුවත් කිරීමේ උත්සවයකදී ඔහු මේ බව කියා සිටියා.
බොහෝ දෙමාපියන් තම තරුණ දරුවන් පිළිබඳව අවධානයෙන් නොසිටීම මෙවන් විපාක වලට මුල බව පවසන ස්ථානාධිපතිවරයා වැඩිදුරටත් සදහන් කලේ තමන් විසින් පාසල් ළමුන්ට කැකිරාව බස් නැවතුම් පොලේ තැන් තැන් වල රස්තියාදු ගැසීමද තහනම් කර ඇති බවයි.
ළමුන්ට මේ තත්ත්වය උදා වෙලා තියෙන්නේ ඇත්තටම ඔවුන් දුර දිග නොහිතා ඇති කර ගන්නා පේ‍්‍රම සම්බන්ධතා නිසයි. පන්ති යනවා ඉස්කෝලේ යනවා කියලා ළමයි ගෙදරින් එනවා. අම්මා තාත්තා හොයලා බලන්න ඕන මෙහෙම ගෙවල් වලින් එන දරුවෝ ඇත්තටම යන්නේ ඉස්කෝලෙටද පන්තියටද කියලා.
පොලිස් ස්ථානාධිපතිවරයා මෙවන් සෝචනීය තත්ත්වයන්ගෙන් පුංචි පරම්පරාව මුදවා ගැනීමේ එක් පියවරක් ලෙස ත‍්‍රීරෝද රථ රියදුරන්, ෆාමසි සහ තානායම් වල හිමිකරුවන්ද දැනුවත් කර ඇති බවද වැඩිදුරටත් සදහන් කලා. අවුරුදු 18 ට අඩු ළමුන්ට තානායම් කාමර වලට යන්න බෑ. නීතිය ඒකයි. මා ඒ පිළිබඳවද සියඵ දෙනා දැනුවත් කරලා තියෙන්නේ.
මොනවා වුනත් කැකිරාව පොලිස් ස්ථානාධිපතිතුමාට වගේම අනිත් පලාත් වල පොලිස් ස්ථානාධිපතිවරුන්ටත් මේ සිතුවිල්ලම පහල වුනොත් ඒක ජාතියෙත් රටෙත් මතු පරම්පරාවෙත් වාසනාව වේවි.
ත‍්‍රිරෝද රථ රියදුරෙකුට සාමාන්‍යයෙන් රු 50 ක දුර හයර් එකට රුපියල් 200 ක් කපා ගන්න හම්බවෙන්නේ මේ වගේ ඉස්කෝලේ කෙල්ලෙක් කොල්ලෙක් කුලී කාමරයක් හොයා ගෙන ත‍්‍රීවිල් එකට නැග්ගොත් තමයි. අද පෙම්වතුන්ට කුලී කාමර හොයන අයට මග පෙන්නන්නන් වෙලා තියෙන්නෙත් සමහර ත‍්‍රීරෝද රථ. රුපියල් 1000 ක විතර කාමරයක් රු 2000 ට විතර පැය 02 ට වගේ කාලයකට හම්බ කර ගන්න තානායම්කරුවෙකුට අවස්ථාව ලැබෙන්නෙත් මේ වගේ පාසල් ජෝඩු ආවොත් තමයි.
ඒ හින්දා ත‍්‍රීරෝද රථ කරුවන් තානායම් හිමිකරුවන් දැනුවත් කලාට විතරක් මදි. ඔවුන් ඒක ඒ විදියටම පිලිපදිනවද කියලත් නීතිය රකින නිලධාරීන් සොයා බැලිය යුතුයි.
_ගොසිප්කින්ග්
Share this
|
|
|
0 Comment to "කැකිරාවේ කෙල්ලෝ 18 ක් පෙම්වතා අතින් අපයෝජනය වෙලා"
Post a Comment