සෑම කාන්තාවන් දසදෙනෙකුගෙන් එක් අයෙකුට ලිංගිකව එක්වීම වේදනාකාරී අත්දැකීමක් බව බ්‍රිතාන්‍ය කාන්තාවන් යොදාගෙන කරන ලද සමීක්ෂණයකින් හෙළිවෙයි.
මෙම සමීක්ෂණය සඳහා වයස අවුරුදු 16ත් 74ත් අතර ලිංගිකව සක්‍රිය කාන්තාවන් හත්දහසක් යොදා ගෙන තිබේ.
එහිදී හෙළිවූ කරුණු අනුව ලිංගිකව එක්වීම වේදනාකාරී අත්දැකීමක් බවට පත්වී ඇති වැඩිම පිරිස හමුවී ඇත්තේ වයස අවුරුදු 55ත් 65ත් අතර කාන්තාවන් අතරිනි.
එම ලැයිස්තුවේ දෙවැනි තැන හිමිවී ඇත්තේ වයස අවුරුදු 16ත් 24ත් අතර කාන්තාවන්ට ය.
ලැජ්ජාව
මේ තත්වය සඳහා වෛද්‍ය ප්‍රතිකාර පවතින නමුත් බොහෝ කාන්තාවන් ලැජ්ජාව නිසා එය සඟවාගෙන සිටින බව ද එම සමීක්ෂණයෙන් හෙළිදරව් වී තිබේ.
ලිංගිකව එක්වීම වේදනාකාරීවීමට බලපාන සෞඛ්‍යමය නොවන වෙනත් කරුණු කිහිපයක් ද පවතින බව වෛද්‍යවරු පවසති.
යෝනි මගෙහි වියලි බව, වින්දනීයත්වය නොමැතිවීම සහ සිතේ නොසන්සුන් බව ඉන් කිහිපයක්වන අතර මානසික හා කායික හේතු ද මීට බලපෑ හැකිය.
ලිංගිකව එක්වීමේදී ඇතිවන වේදනාව හේතුවෙන් ඇතැම් කාන්තාවන් සම්පුර්ණයෙන්ම ලිංගික එක්වීම් ප්‍රතික්‍ෂේපකර ජීවත්වන බව මෙම සමීක්ෂණ වාර්තාවේ සඳහන් වෙයි.
_බීබීසී
Share this
|
|
|
0 Comment to "ලිංගිකව එක්වීම වේදනාකාරී ද?"
Post a Comment