තෙල්දෙණිය පාසලක 13 ශේ‍ර්ණියේ ඉගෙනුම ලැබූ ශිෂ්‍යයකුට එම විදුහලේ 11 ශේ‍ර්ණියේ ඉගෙනුම ලැබූ ශිෂ්‍යයකු පෙරේදා (22දා) පාසල් කාලයේදී වම් අතට පිහියකින් ඇන බරපතළ ලෙස තුවාල සිදු කිරීමේ සිද්ධිය පිළිබඳ තෙල්දෙණිය පොලිසිය විසින් සැකපිට අත්අඩංගුවට ගත් එම සිසුවා තෙල්දෙණිය දිසා විනිසුරු එම්.එච්. පරික්ඩීන් මහතා වෙත ඉදිරිපත් කිරීමෙන් පසු මෙම මස 28 වැනි දින දක්වා රක්‍ෂිත බන්ධනාගාර ගත කිරීමට නියෝග කළේය.
පිහි ඇනුමෙන් බරපතළ ලෙස තුවාල ලැබූ සිසුවා තෙල්දෙණිය දිසා රෝහලට ඇතුළත් කිරීමෙන් පසු මහනුවර මහ රෝහලට මාරු කර යවා ඇත.
තුවාල ලැබූ එම ශිෂ්‍යයා තෙල්දෙණිය වේඬරුව පදිංචි අවුරුදු 17ක ශිෂ්‍යයෙකි.
තෙල්දෙණිය පොලිසිය වැඩිදුර පරීක්‍ෂණ පවත්වයි.
තෙල්දෙණිය - කේ. නිශ්ශංක_මව්බිම
0 Comment to "13 ශේ‍ර්ණියේ සිසුවාට පිහියෙන් ඇනපු 11 ශේ‍ර්ණියේ සිසුවා"
Post a Comment