කළකට පසු පාකිස්තානය පරදා පළමු ටෙස්ට් තරගයෙන් ශ්‍රී ලංකා කණ්ඩායම විශිෂ්ඨ ජයග්‍රහනයක් ලබා ගත්තා. කෙසේ වෙතත් මෙම ජයග්‍රහණය සම්බන්ධයෙන් දෛවඥවරියක් යැයි කියාගන්නා කාන්තාවක් ඊයේ (03) දින සිය ෆේස්බුක් ගිණුමේ තැබූ සටහනක් හේතුවෙන් මේ වන විට දැඩි කතාබහක් ආරම්භවී තිබෙනවා.
එම ජයග්‍රහණය සම්බන්ධයෙන් සිය ෆේබුක් ගිණුමට සටහනක් තබන මෙම කාන්තාව පවසන්නේ,
"දිනේෂ් චන්දිමාල් පුතා පකිස්තාන සංචාරයට යන්න පළමුව පැමිණ මාගෙන් ආශිර්වාද ගත් මොහොත බොහොම අසීරැ අඩියට වැටී තිබුණ අපේ කණ්ඩායම ට නායකත්වය බාරදුන් මොහොතේ පැමිණ මාගෙන් ආශිර්වාද ගෙන නික්මුණේ. අදින් පසු ලාංකේය ක්රිකට් ක්‍රීඩාවට ස්වර්ණමය යුගය මම උදාකර දෙන්නෙමි. මාගේ විශේෂ ස්තූතිය දයාසිරි ජයසේකර ඇමතිතුමාටත් ඈශ්ලි ද සිල්වා මැතිතුමාටත් පිරිනමමි. මොකද මේ දරැවො මගෙ ළඟට යොමු කිරීමට පෙළඹවූ නිසා." යනුවෙනි.
මෙම සටහනත් සමගින් ශ්‍රී ලංකා ටෙස්ට් කණ්ඩායමේ නායක දිනේෂ් චන්දිමාල් එම කාන්තාව සමග සිට ලබාගත් ඡායාරූපයක්ද ඇය විසින් සිය ෆේස්බුක් ගිණුමේ පළ කර තිබුනා.
එම සටහනට අනුව ටෙස්ට් නායක දිනේෂ් චන්දිමාල් මෙම කාන්තාව වෙත යොමු කර තිබුණේ ක්‍රීඩා අමාත්‍ය දයාසිරි ජයසේකර සහ ශ්‍රී ලංකා ක්රිකට් ප්‍රධාන විධායක නිළධාරී ඈෂ්ලි ද සිල්වා යන මහත්වරු වන අතර ඒ පිළිබදව ඇය ඔවුන් දෙපළට ස්තූතිකර තිබුණා.
කෙසේ වෙතත් ඇයගේ මෙම සටහන සමාජජාලා වෙබ් අඩවි වල ක්රිකට් රසිකයන් අතර දැඩි හාස්‍යයට ලක් වී තිබුණා. ඇතැම් ක්රිකට් රසිකයන් ප්‍රශ්න කර තිබුනේ පසුගිය ඉන්දීය තරගාවලියේ '9-0ක් ලෙස අන්ත පරාජයට ලක් වූ අවස්ථාවේ අදාළ සාස්තරකාර කාන්තාව සිටියේ කොහේද?' යන්නයි.
මෙතෙක් මේ පිළිබඳව කිසිඳු නිළ ප්‍රකාශයක් නිකුත් වී නොමැති අතර මෙම ප්‍රකාශය සම්බන්ධයෙන් සත්‍ය අසත්‍ය තාවය මේ වන තෙක් හෙළිවී නැහැ.
එම ෆේස්බුක් වෙබ් අඩවියේ තැබු සටහන පහතින්.
Share this
|
|
|
0 Comment to ""මැච් එක දින්නේ මම නිසා චන්දි පුතා මා ලගට එවූ දයාසිරි ඇමතිතුමාට ස්තුතියි" කලකට පසු ලද ජයත් සාස්තර කාරියකගෙලු"
Post a Comment