ලංකා සතොස වෙළඳසැල්වල විකිණීමට තිබූ සහල් වර්ගය සම්බන්ධයෙන් විශේෂ පරික්ෂණයක් ආරම්භ කළ බව කාර්මික තාක්ෂණ ආයතනය පවසනවා.
ලංකා සතොස වෙළඳසැල්වල මේ දිනවල විකිණීමට ඇති සහල් වර්ගයක් සම්බන්ධයෙන් ජනතාව අතර දැඩි සැකයක් මතුව ඇති බව හිරු ප්‍රවෘත්ති ඔස්සේ අප ඊයේ අනාවරණ කළා.
පකිස්තානයේ සිට මෙරටට ගෙන්වා ඇති මෙම බාස්මති සහල් වර්ගය ලංකා සතොස වෙළඳසැල්වල විකිණීමට තිබුණේ කිලෝග්‍රෑමයක් රුපියල් 140ක මුදලකටයි.
කෙසේ වෙතත්, අදාල සහල් වර්ගය පිසීමෙන් පසු අසාමාන්‍ය ලෙස ඇලෙන සුඵ ස්වභාවයකින් යුක්ත බවට පාරිභෝගිකයන් චෝදනා කළා.
ඒ අනුව අදාල සහල් වර්ගය සම්බන්ධයෙන් කාර්මික තාක්ෂණ ආයතනය සාමාන්‍ය ක්‍රමවේදයෙන් බැහැරව විශේෂ පරික්ෂණයක් සිදුකරන බවයි එහි අතිරේක අධ්‍යක්ෂ ජනරාල් ආනන්ද පන්නිල සඳහන් කළේ. (hirunews)
Share this
|
|
|
0 Comment to "සැක මතු වූ ලක් සතොසෙහි සහල් ගැන පරීක්ෂණ ඇරඹේ"
Post a Comment