ඒ 1943 වසරයි. දෙවැනි ලෝක යුද්ධය ආරම්භ වී තිබූ අතර ඉන්දියාවේ නිදහස් සටන ද ඇරැඹී තිබිණි. ඉන්දීය ජාතික හමුදාවේ නිර්මාණතෘවරයා වූ සුභාෂ් චන්ද්‍රබෝස් ගාන්ධිගේ අහිංසාවාදී සටන වෙනුවට උණ්ඩයට උණ්ඩයෙන් පිළිතුරු දීමේ සටනට පෙලඹී සිටියේය. එම ජාතික හමුදාවේ ජෙමදාර් නවාබ් මලීක් සෙබළ පිරිසක් ද සමඟ කොටුවී සිටියේ ඉන්දීය - බුරුම දේශ සීමාවේය. පලා යාමට තැත් කළ ඔහුට වෙඩි වැදී සතුරන්ගේ සිරකරුවකු වීමට සිදුවිය.
මේ සමකාලීනව ඉන්දීය සිනමාවේ ජනප්‍රිය නිළියක වූ ජූලියා නර්තන කණ්ඩායමක් හා එක්ව සිවිල් වැසියන් හා හමුදා භට පිරිස් පිනවමින් සිටියාය. ඇගේ සමීපතම සේවකයා වූයේ සුල්ෆිය. තවත් නළුවකු හා චිත්‍රපට නිෂ්පාදකවරයකු වූ රස්ටම් බිලිමෝරියා ජූලියාගේ ආරක්ෂකයා වූයේය. බ්‍රිතාන්‍ය හමුදා අණදෙන නිලධාරී මේජර් ජනරාල් ඩේවිඩ් හාඩිං සමඟ සබඳතාවක් ඇති කරගන්නා රස්ටම් උත්සාහ දරන්නේ මහාරාජාගේ මැණි‍ක් එබ්බ වූ රාජකීය අසිපත සොරකම් කරන්නටය. එහෙත් මහාරාජා එම අසිපත ඉන්දීය ජාතික හමුදාව වෙත යවන්නේ එය විකුණා හමුදාවට අවශ්‍ය ආයුධ හා වෙඩිඋණ්ඩ ලබා ගන්නටය.
හාඩිං යෝජනා කරන්නේ ජූලියා හා නර්තන කණ්ඩායම ඉන්දියා - බුරුම දේශසීමාව වෙත යවා, ඉන්දීය ජාතික හමුදා කඳවුරුවලට ඇතුළුව රාජකීය අසිපත ඇය ලවා සොරකම් කරවීමට ය. ඒ වන විට සිර කඳවුරෙන් පැන විත් සිටින ජෙමදාර් මලික් ජූලියාගේ ආරක්ෂකයා බවට පත්වෙයි. අතරමඟදී ඔවුනට ප්‍රහාර එල්ල වන්නේ ජපාන හමුදා වෙතිනි. ජූලියා දිවි බේරා ගත්ත ද ජපන් සොල්දාදුවන්ගේ ග්‍රහණයට හසුවෙයි. දිවි බේරා ගන්නා මලික් පැමිණ ඇය සතුරු ග්‍රහණයෙන්
මුදවා ගනියි. එක් ජපාන සෙබළකු ප්‍රාණ ඇපයට ගන්නා මලික් ජූලියා සමඟ පලා එන්නේ ඉන්දීය දේශ සීමාව දෙසට ය.
ජූලියා ගේ සිත්හි මලික් කෙරේ ප්‍රේමයක් ඇතිවෙයි. මේ පිළිබඳ රස්ටම් බිලිමෝරියා සැක උපදවා ගන්නා අතර මේජර් ජනරල් හාඩිං යළි උත්සාහ ගන්නේ රාජකීය අසිපත සොරකම් කිරීමට ජූලියා යොදවන්නට ය. මලික් හා ජූලියා අතර ඇති ප්‍රේමය ගැන අනාවරණය කරගන්නා රස්ටම් තීරණය කරන්නේ මලික් හා සටන් කොට ඔහුගේ ජීවිතය විනාශ කර දමන්නට ය.
මහාරාජා ගේ රාජකීය අසිපත බ්‍රිතාන්‍යයන් අතට පත් වේවිද? මලික් ජූලියා රස්ටම් ප්‍රේම ත්‍රිකෝණයේ කෙළවර කුමක් ද? මේ සියලු ගැටුම් මැද ජූලියා ගේ සමීප සේවකයා සුල්ෆි හැසිරෙන්නේ කෙබදු ආකාරයකට ද?
විශාල් භද්‍රවාජ් ගේ අධ්‍යක්ෂණයෙන් යුත් අලුත් ම හින්දි සිනමාපටය රැන්ගූන් හි අඩංගු වන්නේ එබඳු කතා පුවතකි. මෙම කතා පුවතට පාදක වී ඇත්තේ මේරි ඈන් එවන්ස් ගේ සත්‍ය ජීවන පුවතයි. ඇය නිර්භීත නාඩියා යන නමින් ප්‍රකට වූ අතර බොලිවුඩ් සිනමාවේ ප්‍රථම ස්ටන්ට් නිළිය වන්නේ ද ඇයයි. ‘හන්ටර්වාලි’ ඇය රඟපෑ ප්‍රකට චිත්‍රපටයකි.
සයිෆ් අලි ඛාන්, ෂාහිඩ් කපූර්, කන්ගනා රුතෝන්ත්, රිචඩ් මැකිබේ, සතෝරු කවගුඩි, සුරේන්ද්‍ර පාල් හාලින් ලෛෂ්රාම් ආදි නළු නිළියන් රඟන මෙහි පසුබිම් සංගීත නිර්මාණය ද විශාල භද්‍රවාජ් ගේය. ගීත දොළහක් අඩංගු මෙම හින්දි චිත්‍රපටය පසුගිය පෙබරවාරි 24 දා සිට ලොව පුරා ප්‍රදර්ශනය වෙයි.
දෙවැනි ලෝක යුද සමයේ භාරතය පසුබිම් කොටගෙන තැනී ඇති මෙහි යුදමය ජවනිකා විචාරකයන්ගේ මහත් පැසසුමට ලක් වී තිබේ. බොලිවුඩ් නළු නිළියන් මෙන් ම බ්‍රිතාන්‍ය හා ජපාන නළු නිළියන් ද රඟන රැන්ගූන් මේ වන විට මනා ප්‍රේක්ෂක ආකර්ෂණයක් ලබමින් ප්‍රදර්ශනය වෙමින් තිබේ.
_සිළුමිණ
ජූලියා ගේ සිත්හි මලික් කෙරේ ප්‍රේමයක් ඇතිවෙයි. මේ පිළිබඳ රස්ටම් බිලිමෝරියා සැක උපදවා ගන්නා අතර මේජර් ජනරල් හාඩිං යළි උත්සාහ ගන්නේ රාජකීය අසිපත සොරකම් කිරීමට ජූලියා යොදවන්නට ය. මලික් හා ජූලියා අතර ඇති ප්‍රේමය ගැන අනාවරණය කරගන්නා රස්ටම් තීරණය කරන්නේ මලික් හා සටන් කොට ඔහුගේ ජීවිතය විනාශ කර දමන්නට ය.
මහාරාජා ගේ රාජකීය අසිපත බ්‍රිතාන්‍යයන් අතට පත් වේවිද? මලික් ජූලියා රස්ටම් ප්‍රේම ත්‍රිකෝණයේ කෙළවර කුමක් ද? මේ සියලු ගැටුම් මැද ජූලියා ගේ සමීප සේවකයා සුල්ෆි හැසිරෙන්නේ කෙබදු ආකාරයකට ද?
විශාල් භද්‍රවාජ් ගේ අධ්‍යක්ෂණයෙන් යුත් අලුත් ම හින්දි සිනමාපටය රැන්ගූන් හි අඩංගු වන්නේ එබඳු කතා පුවතකි. මෙම කතා පුවතට පාදක වී ඇත්තේ මේරි ඈන් එවන්ස් ගේ සත්‍ය ජීවන පුවතයි. ඇය නිර්භීත නාඩියා යන නමින් ප්‍රකට වූ අතර බොලිවුඩ් සිනමාවේ ප්‍රථම ස්ටන්ට් නිළිය වන්නේ ද ඇයයි. ‘හන්ටර්වාලි’ ඇය රඟපෑ ප්‍රකට චිත්‍රපටයකි.
සයිෆ් අලි ඛාන්, ෂාහිඩ් කපූර්, කන්ගනා රුතෝන්ත්, රිචඩ් මැකිබේ, සතෝරු කවගුඩි, සුරේන්ද්‍ර පාල් හාලින් ලෛෂ්රාම් ආදි නළු නිළියන් රඟන මෙහි පසුබිම් සංගීත නිර්මාණය ද විශාල භද්‍රවාජ් ගේය. ගීත දොළහක් අඩංගු මෙම හින්දි චිත්‍රපටය පසුගිය පෙබරවාරි 24 දා සිට ලොව පුරා ප්‍රදර්ශනය වෙයි.
දෙවැනි ලෝක යුද සමයේ භාරතය පසුබිම් කොටගෙන තැනී ඇති මෙහි යුදමය ජවනිකා විචාරකයන්ගේ මහත් පැසසුමට ලක් වී තිබේ. බොලිවුඩ් නළු නිළියන් මෙන් ම බ්‍රිතාන්‍ය හා ජපාන නළු නිළියන් ද රඟන රැන්ගූන් මේ වන විට මනා ප්‍රේක්ෂක ආකර්ෂණයක් ලබමින් ප්‍රදර්ශනය වෙමින් තිබේ.
_සිළුමිණ
Share this
|
|
|
0 Comment to "නිර්භීත නාඩියා ගේ කතාව RANGOON"
Post a Comment