උදේ 8 ට වැඩ ඇරඹිය යුතුවුවත් පුරුද්දක් ලෙස ඇගේ කාර්යාලයේ වැඩට ඇය යන්නේ උදෑසන 6 ට පමණය. තැපැල් කාර්යාලය අසළ පොත් හළක් හා ලොතරැයි නියෝජිත හළක්ද පිහිටා අැත.ඒවා ඇයට අයත් වන අතර සේවකයින් යොදවා ඇය පවත්වාගෙන යනු ලබයි
ඊයේ (29දා) උදෑසන ඇය වැඩට ගොස් පුරුදු පරිදි තනිව තැපැල් කාර්යාලයේ දොර වසාගෙන වැඩ කරමින් සිට ඇත. ගින්න හටගත් අවස්ථාව ගැන නිශ්චිත සාක්ෂි කිසිවක් නැති අතර ටික වේලාවකින් තැපැල් කාර්යාලය ඇතුළතින් ගින්නක් හටගෙන ඇති බව අසල්වාසීන් දැනුවත්වී ඒ ගැන සොයා බලා තිබේ.
කුරුඳුගහහැතැප්ම අධිවේගී මාර්ගයේ රාජකාරියේ නිරත ගිනිනිවන රථ පැමිණ ගින්න නිවූ පසු පිලිස්සුම් තුවාල ලබා සිටි උප තැපැල් ස්ථානාධිපතිනිය හමුවූ අතර ඇයව ඇල්පිටිය මූලික රෝහලට ඇතුළත් කරන විටත් මියගොස් සිටි බව රෝහල් ආරංචි මාර්ග පවසයි.
තැපැල් කන්තෝරුවේ සියලු බඩු මූට්ටු පිළිස්සී ගොස් තිබුණ අතර ඒ සමඟ තැපැල් කාර්යාලයට අදාළ ලිපි ද්‍රව්‍යද විය. ඇගේ මළ සිරුර අසළ දිනපතා පත්තර මිටි කිහිපයක්ද අර්ධ වශයෙන් පිළිස්සී තිබී ඇත.ඒ ඇගේ පොත් හළේ අලෙවියට බෙදාහැර තිබුණ උදෑසන පත්තර තොගයේ කොටසකි.
තැපැල් කන්තෝරුවට කිලෝමීටරයක් පමණ දුරින් ඇගේ නිවස පිහිටා තිබී ඇත. එහි ඇයත් සැමියාත් දරු දෙදෙනාත් වාසය කරති.
කෙසේ වෙතත් ඉන් පසුව මෘත දේහය මරණ පරීක්ෂණයට ලක් කල අතර මියගිය තැපැල් ස්ථානාධිපති වරියගේ සිරුර තුළ වස අඩංගුව පැවති බව අධිකරණ වෛද්‍යවරායා විසින් සඳහන් කර තිබෙනවා.
අල්පිටිය කුරුදුගහ හැතැක්ම ප‍්‍රදේශයේ තැපැල් කාර්යාලය තුළ හටගත් ගින්න නිසා මියගිය තැපැල් ස්ථානාධිපති වරියගේ සිරුර තුළ වස අඩංගුව පැවති බව අධිකරණ වෛද්‍යවරායා විසින් සඳහන් කර තිබෙනවා.
ඒ අනුව ගිනි ඇවිලී මියයෑමට පෙර වස ශරීර ගතවී ඇති බවට පොලීසිය සැක කරනවා.
කෙසේ වෙතත් එය සියදිවි නසාගැනීමේ උත්සාහයක්ද යන්න මෙතෙක් තහවුරු වී නැහැ.
තැපැල් කාර්යාලයේ තිබී වස බෝතලයක්ද පොලීසිය ඊයේ සොයා ගත්තා. තවදුටත් සිදුකළ විමර්ශනවලදී තැපැල් කාර්යාලයේ එක් පසෙක කුප්පි ලාම්පුවක්ද තිබී හමුවී ඇති නමුත් එහි භූමිතෙල් නොතිබූ බවයි පොලීසිය ප්‍රකාශ කළේ. ඒ අනුව සිද්ධිය සම්බන්ධයෙන් තවදුරටත් විමර්ශන සිදු කෙරෙන අතර, මියගිය තැපැල් ස්ථානාධිපතිනියගේ සිරුරු කොටස් රජයේ රස පරීක්ෂකවරයා වෙත යවා තිබෙනවා.
මෙම මරණය සිය දිවි නසා ගැනීමක්ද ? එසේ නැත්නම් කිසිවකු විසින් ඇයව ඝාතනය කොට ගිනි තබා ඇත්ද? යන්න තවමත් අභිරහසකි. මේ පිළිබඳ ඊයේ රසපරීක්ෂක වාර්තා සඳහා පිරික්සීම අරඹා තිබුණ අතර වැඩිදුර පරීක්ෂණ පොලිසිය මගින් මෙහෙයවයි.
Share this
|
|
|
0 Comment to "සියදිවි නසා ගැනීමක්ද? මරලා පුච්චලාද? තැපැල් ස්ථානාධිපතිනියගේ අභිරහස් මරණය ගැන අලුතෙන්ම හෙළිවූ දේ"
Post a Comment