ඉන්දීය කණ්ඩායම පකිස්ථානය හමුවේ චැම්පියන්ස් කුසලාන අවසන් මහා තරඟයෙන් පරාජය වීමත් සමඟින් ඉන්දීය පිලේ ප්‍රධාන පුහුණුකරු ලෙසින් කටයුතු කළ අනිල් කුම්බ්ලේ ඉන් ඉවත්වීමට තීරණය කර තිබෙනවා.
ඔහුගේ මෙම තීරණයට වැඩි වශයෙන් බලපා ඇත්තේ ඉන්දීය නායක විරාත් කෝලි වන අතර තරඟ පරාජයෙන් පසුව ඔහු විසින් ක්‍රිකට් පාලක මණ්ඩලය හමුවේ අනිල් කුම්බ්ලේට විවිධ චෝදනා රැසක් එල්ලකර තිබෙනවා.
තමන් සමඟින් කණ්ඩායමේ කටයුතු කරන විට පුහුණුකරු වන අනිල් කුම්බ්ලේ ගන්නා හිතුවක්කාර හා අහංකාර තීරණ පිළිබඳව ක්‍රීඩකයින් ඔහුට පැමිණිලි කර ඇති බව කෝලි ඉන්දීය ක්‍රිකට් පාලක මණ්ඩලය හමුවේ පවසා තිබෙනවා.
ඒ අනුව කුම්බ්ලේ ඉල්ලා අස්වීමට තීරණය කර ඇති අතර තමන් පිළිබඳව ක්‍රීඩකයින් තුල ඇති වැරදි මතය පිළිබඳව ඔහු කණගාටු වන බවත් ඉන්දීය ක්‍රිකට් පාලක මණ්ඩලය විසින් එය නිවැරදි කරනු ඇති බව තමන් බලාපොරොත්තු වන බවත් කුම්බ්ලේ ඔහුගේ ඉල්ලා අස්වීමේ ලිපියේ සඳහන් කර තිබෙනවා.
Share this
|
|
|
0 Comment to "ඉන්දීය ක්‍රිකට් දෙදරයි..!!"
Post a Comment